Жорж Оруэллнинг буюк антиутопик романи – "1984" энди ўзбек тилида! Дунё адабиётининг сарҳил дурдоналаридан бири бўлган ушбу асар тоталитар жамиятнинг даҳшатли тасвири, инсон онги ва эркинлиги устидан мутлақ назорат ўрнатишга уринишлар ҳақида ҳикоя қилади. Асар инсон қадр-қиммати, фикр эркинлиги ва шахсий ҳаёт дахлсизлигининг қанчалик муҳимлигини теран талқин этиб, ҳар бир саҳифасида сизни чуқур ўйларга толдиради.
"1984" романи Би-Би-Си талқини бўйича "200 та энг яхши китоб" рўйхатида саккизинчи ўринни эгаллаган ва Newsweek журнали томонидан "Инсоният тарихидаги энг зўр 100 китоб" рейтингида иккинчи ўринга лойиқ кўрилган. У 2017 йилда АҚШда энг кўп сотилган китоблар қаторидан жой олган.
Асарда тасвирланган "Катта Оға", "фикр полицияси", "қўшфикрлик" ва "янги тил" каби тушунчалар бугунги кунда ҳам ўз долзарблигини йўқотмаган. "1984" - бу фақатгина роман эмас, балки келажак авлодларга тоталитаризмнинг хавфи ҳақида огоҳлантирувчи абадий маёқдир. Ўзбек китобхонлари орасида ҳам тезда шуҳрат қозонган ушбу асар, Сизни ҳам бефарқ қолдирмаслиги аниқ.