Mukoshafatul qulub (Qalblar kashfiyoti) – Buyuk Imom Gʻazzoliy asari

Ming yillardan buyon butun dunyoda “Hujjatul Islom” unvoni bilan ulugʻlanib kelinayotgan buyuk islom ilohiyotchisi, mutafakkir va faylasuf Imom Abu Homid Muhammad ibn Muhammad al-Gʻazzoliy (1058-1111) qalamiga mansub "Mukoshafatul qulub" asari – qalblarni poklash va ma'naviy yuksalishga bagʻishlangan beqiyos durdonadir. Ushbu kitobda Alloh taologa doimo itoatda, qoʻrquv va zikrda, sevgi-muhabbatda boʻlish fazilatlari chuqur bayon qilinadi. Shuningdek, Alloh va Uning Rasulini unutish oqibatida shaytonning ochiq dushman boʻlishi, natijada inson tabiati va hayotining turli sohalarida halokatli holatlar kelib chiqishi haqida taʼsirli va jozibali hikoya qilinadi. Imom Gʻazzoliy bu asar orqali moʻmin kishining qalbini tarbiyalash, uni dunyoviy havolardan poklash, kibr-havo, riyo, shuhratparastlik, hasad kabi gʻayriinsoniy fe'l va tuygʻulardan forigʻ boʻlish yoʻllarini Qur'on oyatlari, hadislar, rivoyatlar va hikmatli hikoyatlar bilan boyitilgan, sodda va ta'sirchan uslubda tushuntirib beradi. "Mukoshafatul qulub" asari insonning maʼnaviy takomili, ichki dunyosini tarbiyalash va qalbni salbiy fazilatlardan tozalash zaruriyatini oʻrgatadi. Zuhud va taqvoda, ixlos va sabrda mustahkam boʻlish, dunyo va oxirat oʻrtasidagi muvozanatni topish hamda Allohga yaqinlashishning ilmiy va amaliy yoʻllarini koʻrsatadi. Asar Paygʻambarimizning (sollallohu alayhi va sallam) hayoti va oxiratga boʻlgan munosabati haqida ham chuqur maʼlumotlar berib, insonni gʻaflat uyqusidan uygʻotib, qalb koʻzlarini ochishga undaydi. • Tarjimon: Miraziz Aʼzam • Nashrga tayyorlovchi: Ibrohim Nurulloh • Nashriyot: "Munir kitoblar" 2023 • Muqovasi: Qattiq muqova • Betlar soni: Taxminan 472-480 bet Ushbu kitob hayotingizda haqiqiy ma'no va ruhiy tinchlikni izlayotgan har bir inson uchun bebaho qo'llanma bo'lib xizmat qiladi. Qalbingizni poklash, Allohga yaqinlashish va nafsingizni tarbiyalash yo'lida "Mukoshafatul qulub" sizga eng to'g'ri yo'l-yo'riq ko'rsatuvchi nurdir.